Türkmen türgenleri Hytaýda geçirilen " The Belt and Road " ýaryşynda medal gazandylar
179
11-nji noýabrdan 13-nji noýabr aralygynda Hytaýyň Sian şäherinde “ The Belt and Road ” halkara göreş ýaryşy Hytaý we Merkezi Aziýa ýurtlarynyň iň güýçli türgenlerini birleşdiren Hytaýyň Sian şäherinde geçirildi. Türkmen pälwanlary bu ýaryşda birnäçe medal gazanyp, ajaýyp netijeleri görkezdiler.
Türkmen pälwany Döwlet Orazgylyjow öz agram derejesinde ussatlyk bilen çykyş edip, altyn medal gazandy. Ilkinji duşuşyklarda 10-0 we 12-2 hasabynda iki hytaýly garşydaşyndan üstün çykdy. Soňra Mongoliýanyň wekili bilen bolan tutluşykda garşydaşyna 12-2 hasabynda ýeňiş gazanyp, hiç hili mümkinçilik galdyrmady. Finalda Orazgylyjow gazak pälwany bilen duşuşdy we ýenede ajaýyp ussatlygyny görkezdi, ýaryşda ýeňiji boldy.
Türkmenistanyň ýene bir mynasyp wekili Zyýamuhammet Saparow, ilkinji tapgyrda garşydaşyny 10-0 hasabynda ýeňlişe sezewar etdi. Soňra hytaýly iň güýçli iki pälwan - Saparowy 10-0 we 6-0 hasabynda ýeňdiler. Muňa garamazdan, ol ýüz öwürmän ikinji ýer ugrundaky tutluşykda başga bir hytaýly türgeni ýeňip, 7-4 hasabynda ýeňiş gazandy we kümüş medal gazandy.
Mundan başga-da, Perman Hommadow we Şatlyk Hemeläýew öz agram derejelerinde bürünç medallara eýe bolup, türkmen türgenleriniň ýokary taýýarlyk derejesini tassyklap, münbere çykdylar.
