Türkmen Olimpiýa wekileýeti Pariže resmi ugradyldy
2024-07-23 07:58:58
1275
Şu gün — 2024-nji ýylyň 23-nji iýulynda milli ýygyndy toparymyzyň agzalary Aşgabadyň Halkara howa menzilinden XXXIII Tomusky Olimpiýa oýunlaryna gatnaşmak üçin Fransiýa Respublikasynyň paýtagty Pariž şäherine ugradyldy. XXXIII Tomusky Olimpiýa oýunlary 26-njy iýul — 11-nji awgust aralygynda geçiriler.
Türgenlerimize öňde boljak Tomusky Olimpiýa oýunlarynda üstünlikli çykyş edip, Garaşsyz, baky Bitarap Türkmenistanyň baýdagyny has-da belende götermegi arzuw etmek bilen, olaryň bu iri halkara ýaryşda ýokary netijeleri gazanjakdyklaryna, dünýäniň sport giňişliginde Watanymyzyň abraýynyň has-da ýokarlanmagyna uly goşant goşjakdyklaryna ynam bildirýäris.