Türkmen samboçylary Bişkekdäki Dünýä çempionatynda 8 medaly gazandylar
85
Türkmen samboçylary Dünýä çempionatynda 8 medaly gazandy. Çempionat Gyrgyzystanyň paýtagty Bişkekde geçirildi.
Ýaryşlaryň ahyrky gününde türkmen samboçylary milli ýygyndynyň hasabyna 4 medal goşdy – 3 kümüş we 1 bürünç.
Erkekleriň sport sambo ýaryşlarynda 98 kg çenli agram kategoriýasynda Guwanç Begaliýew kümüş medala mynasyp boldy. Erkekleriň göreş sambo ýaryşlarynda 58 kg çenli agram kategoriýasynda Häkberdi Jumaýew kümüş medaly gazandy. Aýallaryň bäsleşiklerinde bolsa 80 kg+ agram kategoriýasynda Sabina Agajanowa kümüş medala eýe boldy, 65 kg çenli agram kategoriýasynda Ziba Orunowa bürünç medaly gazandy.
Bütindünýä çempionaty 7–9-njy noýabr aralygynda Bişkekde geçirildi. Ilkinji iki ýaryş gününde türkmen türgenleri 2 kümüş we 2 bürünç medaly gazandylar.