Anamjan Rustamowa Latyn Amerikada altyn medala mynasyp boldy
194
Perunyň Lima şäherinde geçirilýän agyr atletika boýunça halkara ýetginjekleriň arasyndaky dünýa çempionatynda, ýaryşynyň soňky gününde diňe ýaşlar çykyş etdiler. Şol gün Türkmenistanyň ýygyndysynyň türgeni Anamjan Rustamowa 87kg agram derejesinde üstünlikli çykyş edip, altyn medala mynasyp boldy.
Anamjam Rustamowa silterläp götermekde 108kg, itekläp götermekde 141 kg agyrlygy üstünlikli ýerine ýetirip, umumy 249 kg netije görkezdi. Bu görkeziji bilen ol meksikaly Wanessa Lizarraganyň (244 kg) we BAE-nyň adyndan çykyş eden Mariýa Gruzdowany(242 kg) geçmegi başardy.
Anamjan Rustamowanyň gazanan bu uly üstünlügi ýurdumyzda agyr atletika sportynyň ösdürilýändiginiň we ýaş türgenlere uly üns berilýändiginiň nobatdaky subutnamasydyr.