Halkara tennis ýaryşy Aşgabat Open 2024
315
2024-nji ýylyň 8-nji - 17-nji noýabry aralygynda 14ýaşa çenli türgenleriň arasynda “Ashgabat Open 2024” halkara tennis ýaryşy Türkmenistanyň paýtagty Aşgabatda geçiriler. Bu bäsleşige Beýik Britaniýa, Türkiýe, Hindistan, Özbegistan, Täjigistan,Gazagystan, Päkistan, Eýran, Iordaniýa, Malaýziýa we Gonkong (HHR) ýaly 12ýurtdan 37 oglan we 33 gyz gatnaşar. Bu ýaryş, ýaş tennisçileriň sport karýerasyndaky möhüm tapgyry bolar we olara halkara arenasynda özlerini beýan etmek üçin ajaýyp mümkinçilik döreder.
“Ashgabat Open 2024”, iň täze tehnologiýa bilen enjamlaşdyrylan häzirki zaman sport merkezi bolan Aşgabat Olimpiýa şäherçesiniň tennis toplumynda geçiriler. Toplum ýokary derejeli ýaryşlary geçirmek üçin amatly şertleri hödürläp,gatnaşyjylary we tomaşaçylary ýerleşdirmäge taýyn.
“Ashgabat Open 2024” ýaryşynda bu sportda däp-dessurlary bilen tanalýan ýurtlara wekilçilik edýän ýaş tennisçileriň gatnaşmagyna garaşylýar. Gatnaşýanlaryň arasynda Beýik Britaniýa, Türkiýe, Hindistan, Özbegistan, Gazagystan, Täjigistan, Päkistan, Eýran, Iordaniýa, Malaýziýa we Gonkong (HHR) türgenleri bar. Bu,tejribe alyşmak we dünýäniň dürli künjeklerinden gelen türgenler bilen tälimçiler arasynda dostlukly gatnaşyk döretmek üçin ajaýyp şertleri döredýär.
Ýaryşyň ahyrynda dürli ýaş kategoriýalarynda ýeňiş gazananlara Halkara Tennis Federasiýasyndan medallar, ýatdan çykmajak ýadygärlik sowgatlary we şahadatnamalar gowşurylar. Bu baýraklar, täze sport belentliklerini gazanmak üçin, ýaş tennisçileriň karýerasynda möhüm ädim bolar.
“Aşgabat Open 2024” halkara tennis ýaryşy, Türkmenistanyň we dünýä tennis jemgyýetiniň sport durmuşynda möhüm waka boljakdygyna wada berýä. Bu ýaryş diňe bir täze tennis ýyldyzlaryny kesgitlemän, eýsem tejribe alyşmak we ýurtlaryň arasyndaky sport gatnaşyklaryny berkitmek üçin ajaýyp mümkinçilik döreder.
