Sportuň gandbol görnüşi boýunça tälimçiler üçin halkara okuw-maslahat seminary tamamlandy
130
2024-nji ýylyň 27-31-nji oktýabry aralygynda paýtagtymyz Aşgabat şäherinde geçirilen sportuň gandbol görnüşi boýunça okuw-maslahat seminary üstünlikli tamamlady. Seminar ýurdymyzyň welaýatlaryndan we Aşgabat şäherinden tälimçileri ýygnady we Türkmenistanda gandbolyň ösmeginde möhüm ädim boldy.
Nazary sapaklar Türkmenistanyň Milli Olimpiýa komitetiniň edara-binasynda we Türkmenistanyň Daşary işler ministrliginiň Halkara gatnaşyklary institutynyň sport zalynda amaly sapaklary geçirildi. Wengriýaly halkara derejeli hünärmen, Halkara gandbol federasiýasynyň mugallymy we bedenterbiýe ylymlarynyň doktory Zoltan Markçinka uly tejribesiniwe häzirki zaman okuw usullary, taktiki amallary we üstünlikli oýnamagyň syrlary bilen paýlaşdy. Okuw-maslahat seminarynyň tamamlanmagy bilen,gatnaşyjylara Halkara Gandbol federasiýasynyň şahadatnamalary gowşuryldy.
Guramaçylar, alnan bilimleriň we başarnyklaryň türkmen gandbol oýunçylaryna täze belentliklere çykmagyna we ýurdymyzyň halkara arenasyndaky ornuny berkitmegine kömek etjekdigine uly ynam bildirýärler. Bu seminar hyzmatdaşlygyň we tejribe alyşmagyň ajaýyp mysaly boldy we guramaçylar bu ugurda mundan beýläk başlangyçlara sabyrsyzlyk bilen garaşýarlar.