V Yslam Raýdaşlygy oýunlarynyň dzýudo boýunça guralýan ýaryşlarynda türkmen ýygyndysynyň ýene bir medaly bellige alyndy. 63 kilogram agram derejesindäki gyzlaryň ýaryşynda güýjüni synan Zülhumar Daşkinowa netijeli çykyş etmegiň hötdesinden geldi.

Türkmenistanly gyz zehinli ýaşlaryň birnäçesini jemlän ýaryşyň bürünç medalyna eýe çykdy.

Ýiti bäsleşikde alžirli zenan Amina Belkadi ýeňiş gazandy. Türkiýeli Şeýma Özler ikinji orny eýelese, bürünç medallaryň ýene biri özbegistanly Sewinç Isokowanyň boýuny bezedi.