English Русский
gün
sag
min
sek
Soňky habarlar
Röwşen Muhadow Türkmenistanyň milli ýygyndysynyň baş tälimçisi wezipesine bellenildi
16 Mart, 2021 ý.

Türkmenistanyň Futbol federasiýasynyň Ýerine ýetiriji komitetiniň geçiren ýygnagynyň çözgüdi esasynda Türkmenistanyň milli ýygyndysynyň baş tälimçisi wezipesine Röwşen Muhadow bellenildi. 

59 ýaşly türkmenistanly hünärmen tälimçilik ýolunda «Nisa» hem-de «Ahal» toparlaryny türgenleşdirdi. 2000-nji ýylda Türkmenistanyň milli ýygyndysyna ýolbaşçylyk etdi. Şeýle hem ol ýurdumyzyň ilkinji legioner futbolçysy hökmünde Türkiýäniň «Gençlerbirligi” toparynda çykyş etdi.

2003-2007-nji ýyllaryň aralygynda Türkmenistanyň Olimpiýa ýygyndysynyň, şol bir wagtda ýaşlar ýygyndysynyň baş tälimçisiniň wezipesini ýerine ýetirdi. 2011-nji ýylyň sentýabrynda AFK-nyň Pro ygtyýarnamasyny aldy.

Türkmenistanyň milli ýygyndysynyň häzirki wagtda 2022-nji ýylda Katar döwletinde geçiriljek Dünýä çempionatynyň hem-de 2023-nji ýylda Hytaý Halk Respublikasynda geçiriljek Aziýa Kubogynyň deslapky tapgyrynyň «H» toparçasyndaky saýlama duşuşyklaryna taýýarlyk işlerini alyp barýar.

Çeşme: www.tff.com.tm

Halkara hyzmatdaşlar